يا هل ترى .. ممكن نعيش على نفس الارض اللى متنا عليها ؟
يا هل ترى .. ممكن نشوف نفس الوشوش بنفس الملامح اللى شفناها بيها اول مرة ؟
يا هل ترى .. بنعيش بعد الفراق ولا بنكون اموات اكتر من ما نتصور ؟
ويا هل ترى .. هنفضل نح ناس عمرها حتى ما فكرت فينا ؟
يمكن نكون افترقنا بناء على رغبة احد الطرفين .. ويمكن الطرفين قرروا كده ..
بس لما بننهى قصة عاشت معانا او جوانا سنين يا ترى بنقدر ننسى كل شئ
ننسى الايام الجميلة اللى عشنها في خيالنا .. ونينا ليه قصور في السما
ننسى لهفتنا واحنا بندور على بعض ..
وهل يا ترى انا ممكن انسى كل احلامى وكل حياتى علشان مش عارف اعيش ؟!!!
مش عارف اليوم ده كان غريب اوى كده ليه
يمكن علشان بقالى كتير مشفتهاش .... يمكن
ولا علشان مش عارف احب حد غيرها
مش عارف حاجة .. ومبقتش عاوز اعرف حاجة خالص
تعبت من التفكير .. والاحلام .. والدموع .. والسهر .. وكمان الكتابة
يمكن علشان كل دول لما اتولدوا جوايا اتولدوا علشانها
وقرروا انهم يمشوا معايا الباقى لغاية القبر
يمكن ومين عارف ....
رتب لى القدر اللقاء .. مش عارف ليه
كل ما اقول انا هنسى واقسى واعند
ارجع تانى واحن من جديد
متأكد انى عمرى ما هعرف احب حد زيها ابدا
وكمان متأكد اننا عمرنا ما هنكون لبعض
بس انا كل اللى كنت محتاجه .. احلام لا تذكر
كنت بتمنى نظرة رقيقة لو اتقبلنا صدفة في مكان
كنت بتمنى لمسة ايد احس فيها بكل المعانى الراقية
كنت بتمنى كلمة اعيش عليها الباقى من عمرى
اسمعها مرة واحد بس في حياتى
مش بلومها .. هى كان عندها الحق في الاختيار
بلوم نفسى وقلبى انه فيوم حس بيها وحبها
عارف انى بحبها .. بس لازم ابعد .. لازم انسى .. لازم ..
ومن غيرها .. او حتى بيها ..
لازم اعيش ..
بس اوعد كل اللى سامعنى .. مش هقدر اعيش
4 أكتب تعليقك:
انا متأثر بشعورك واحساسك بس انا عايز أقولك ان شعورك ده نابع من فشل حبك الاول وده سىء تقريباً بيحصل مع كل الناس بس انت علم فيك اوى علشان انت رومانسى ومن النوع اللى الحب ممكن يكون فى حياتك المغزى الوحيد والهدف الرئيسى اللى بيحرك حياتك واللى انت ممكن تعيش علشانه وترتب عليه كل حياتك وبالتالى كل حاجه فى حياتك هتتأثر بالفشل ده وحالتك بتتكلم عن نفسها بقرب المحبوب منك بصله او بأخرى وانت مجبر على رؤيته بصفه تقريباً منتظمه .
الحل: اقتنع ان الانسان علشان يعيش لازم يبقالوه ماضى ورصيد من الذكريات يتعلم منها ويستفيد علشان حياته المستقبليه وحاول متجريش وراء الحب اللى يضيع الحب القديم لأن الحب مبيجيش بالرغبه بس ولو اصريت على الموضوع ده فى الوقت الحالى مش هتلاقى حد تحبه لأنك فى الفتره دى هتقارن كل انسان تحاول تخليه يحل محل الحبيب الاول بيه وده ظلم ليه لأنك اكيد حبيت اجمل واحسن انسان فى محيطك من وجهة نظرك .
علشان انا اكيد طولت عليك ده اول علاج ليك وحاول تتابعنى وهتلاقى خواطر عندى توصف حالك وترشدك للطريق اللى انا فكره صح والله الموفق .
متشكر على سعة صدرك سلام.
تحياتي ليك و لكلماتك العاليه جدا جدا
ربنا يوفقك
ازيك يا جميل
معلش مش بادخل المدونة كتير عشان ظروف دراستى
شايفاك لسة بتتألم
حاول تنسى هى اصلا مش حاسة بيك
وكلام كرامة على فكرة صح
لو حطيت فى بالك انك عايز تنسى عمرك ما هتنسى
كل ما تلاقى نفسك بتفكر فيها اشغل نفسك بحاجة تانية
وربنا يوفقك
كرامة
.....
ميرسى جدا يا جميل على الرد الجميل
ووالله انا حاول بس دايما بفشل
المشكلة انى مش قادر او بمعنى ادق مش عاوز بس هحاول
محمود سعودى
..........
ميرسى جدا يا محمود على المجاملة الريقة دى
دراما كوين
...........
حمد لله على السلامة وربنا يوفقك في دراستك وان شاء الله اسمع عنك كل خير ان شاء الله
وللاسف انا زى مانا كل ما خد خطوة للامام ارجع عشرة لورا
مش عارف انسى ومش قادر
إرسال تعليق