بحاول ..
ساعات كتير بحاول اكون انا
بحاول ..
بحاول مسمعشى غير صوتى انا
بحاول ..
بحاول اوصل لحلمى انا
وبفشل في كل مرة
بفشل اصل معنديش مراية اشوف نفسى فيها من جوة
بفشل اصل صوتى محدش قادر يسمعه يبقى ازاى هقدر انا
بفشل اصل حلمى زى القمر عالى بس بنشوف دايما قريب
"ايه اللى انا كتبته ده "
بسأل نفسى كل مرة .. لما اكتب كلام مبفهموش
او احس بحاجة غريبة عايزة تخرج من جوايا
"ليه"
سؤال ملوش اجابة عندى
اصلى طول عمرى بسأل ليه
ليه بعد البسمة دموع !
ليه بنحلم وعنينا مفتحين !
ليه..
0 أكتب تعليقك:
إرسال تعليق