الساعة دلوقتى 12 صباحا
يعنى زى النهاردة من 19 سنة بدأت حياة انسان
انسان اتولد وحفر اسمه في حياة ناس كتير
واكيد ساب فيهم ذكريات حلوة والبعض منهم مكنتش حلوة
بس المهم انه كان انسان جميل
الانسان ده غالى عليا اوى
برغم انى معرفوش من كتير
4 سنين عمر علاقتى بيه
يمكن كانوا اصعب سنين عمرى اللى عشتها
بس انا متأكد ان احساسى فيهم كان عالى اوى
كان جميل اوى
كفاية بس انى حبيته بجد
وعمرى ما نسيته
ولا حتى فكرت انى اخونه
مع انى لو كنت خنته عمرها ما كانت هتبقى خيانة
لان اللى بينا عمره ما تعدى مجال الاعجاب فقط
وبالرغم كنت بعتبر انى اى شئ ممكن يبقى خيانة لحبى ليه
خيانة لنفسى .. ودى اصعب خيانة ممكن يحسها انسان وتأثر فيه
مش مهم سيبنا من الكلام الاهبل ده
اللى انا عاوز اتكلم فيه دلوقتى هو انى فرحان جدا النهاردة ويمكن من 4 ايام
ده كله لانه عيد ميلاده النهاردة
فرحان اكتر ما بفرح بعيد ميلادى انا
سعيد جدا
وحاسس انى طاير من على الارض طير
انا بشكر ربنا اللى خلانى احبها
وبشكر القدر اللى جمعنى بيها
وبشكر نفسى انى حستها
وبشكرها برغم كل شئ
وبصرف النظر عن كل شئ
انا مش قادر اعبر عن نفسى النهاردة
كل اللى قادر اعمله او اقوله
كل سنة وانتى طيبة يا رانا
0 أكتب تعليقك:
إرسال تعليق