ارحل وعن أرضنا غور
مش هيحميك مننا لا سلاح ولاسور
أنت وجماعتك دار عليكوا الدور
ارحل قبل الارض ما عليك تثور
ارحل بعزة وكرامة يا مرسي
أصل مصر مش مجرد كرسي
مصر أرض ونيل وشعب
محتاجة قبطان لأسمها يرسي
باركنالك وداعينا ليك بالهداية
خدت مصر لقرار ملوش نهاية
ووراك جماعة يا حفيظ من لسانها
بيكفروا وبيهدروا دم من غير دراية
ارحل وكفاية علينا سنة
كان نفسنا نشوف وياك الهنا
ارحل ولم خرفانك وراك
دي مصر دي أغلى المنى
أحمد حسني محمد
20 يونيو 2013
