قولي لأهلك ..








قولي لأهلك أني جاي أطلب إيديكِ
قولي لأهلك ان أنا دبت في عينيكِ
عرفيهم ان أنتي عندي أغلى حاجة
عرفيهم كل حاجة وأحكيلهم عن حبي ليكِ


مش غريبة أني أحبك وأنتي حبك شئ جميل
مش غريبة أني أحبك وأنتي حبك كان دليل
مش كفاية أني أدعي تكوني ليا
أنا هدعي ربي أنك تكوني دايماً بخير

مهما أقولك مش هقولك كل شئ
مهما أوصف حبي ليكي مش هيوصف أي شئ
مهما اقولك كلمة بحبك
مش كفاية الحب فيكي أنه يوصف كل شئ


قولي لأبوكي وأمك وأخوكي يفرشولي الارض ورد
أنا جاي ناوي أخطف منهم أغلى حد
خليهم يرسمولي عمر تاني بشكل تاني
خليهم يسمعوني مبروك وزغروطة رد


كلمة منك أستنتها من سنين
كلمة منك بكرة تطفي نار الحنين
كلمة منك هسمعها يوم فرحنا
كلمة بحبك كلمة فيها فرحة سنين

 
 الفارس الدهليزي
أحمد حسني محمد طه
28 نوفمبر 2012م

0 أكتب تعليقك:

 

.